Berpirsê Pêwendiyên Derve yê PDKê Hêmin Hewramî li Zanîngeha Amerîkî ya Kurdistanê [American University Kurdistan (AUK)] beşdarî semînereke bu û di derbarê jeopolîtîka Kurdistanê de axivî.

Berpirsê Pêwendiyên Derve yê PDK Hêmin Hewramî di axaftina xwe ya li Zanîngeha Amerîkî de bal kişande ser berdewamiya xetereyên li dijî Kurdistanê û got: ‘Kurdistanê xwe îsbat kir ku hikûmeteke çalak û kara ye; lêbelê bidawîbûna heyama dîktatoriyê nayê wê wateyê ku xetere jî bi dawî bûne. Herwiha sistbûna yekrêziya Kurdistanê nahêle ku Kurdistan roleke çalak a global bilîze.’

Herwaha Hêmin Hewramî diyar kir li Rojhilata Navîn rewşeke aloziyê ya berdewam heye; lêbelê Kurdistan dikare bi arîşeyên qewimî re serderiyê derxe û wiha berdewam kir: ‘’Pêwîste bi giştî li Kurdistanê bê fêmkirin ku Rojhilata Navîn derbasî rewşeke nû bûye û divê kurd jî cih û warê xwe di nexşeya nû de bibînin. Li Rojhilata Navîn di navbera projeyên herêmî û navneteweyî de şer heye; herwiha hinek aktorên nefermî jî derketine holê. Divê Kurdistan jî rola xwe ya fermî û nefermî baş bi cih bîne.’’

Di Derbarê referanduma serxwebûna Kurdistanê û heyama piştî serxwebûnê de jî rayedarê PDKê Hêmin Hewramî got: ‘Referanduma serxwebûna Kurdistanê dê sala 2016an pêk were û Iraqeke bêhêz ji bo serxwebûna Kurdistanê tehdîdek e; em cîranên xurt dixwazin. Herwiha partiyek tenê nikare pêşiyê li serxwebûna Kurdistanê bigire.’

Basnews