anê, Mesûd Barzanî ragihand ku, pêwîst e rola pêkhateyan di paşeroja navçeyên azadkirî de hebe.

Ev daxuyaniya Barzanî di dema pêşwazîkirina, Şêwirmendê Asayîşa Niştimanî yê Iraqê, Falih Feyad de hat.

Di hevdîtinê de Feyad silav û rêzên Serokwezîrê Iraqê bi Serokê Herêma Kurdistanê gihand. Herwiha serkeftinên Pêşmerge û azadkirina Şingalê jî pîroz kir.

Di civîna Barzanî û Feyda de, rewşa siyasî û ewêehî ya navçeyê, pêwendiya di navbera dewleta Iraqê û cîranan û babeta hatina artêşa Tirkiye ya nêzîkî Musilê hate gotûbêjkirin.

Her du aliyan jî tekez li wê yekê kirin ku pêwîst e hemû pirsgirêkên di navbera Iraq û cîranên wîê de bi rêya diyalogê ve bêne çareser kirin.

Di beşekî dinê civînê de behsa pêşketinên meydanî yên dawî ya şerê dijî terorîstên DAIŞê û herwiha serkeftinên Hêzên Pêşmergeyên Kurdistanê û Hêzên Iraqî li bereyên şer û plana azadkirina Musil û qonaxa piştî şerê DAIŞê kirin.

Di vê derbarê de Serokê Herêma Kurdistanê tekez kir ku, divê pêkhateyên Iraqê xwedan rol bin di paşeroja navçeyên azadkirî de.

K24