Duh danê sibê ji saet 05.00 ve derketina derve li Sûra Amedê hat qedexekirin.

Qayîmeqamtiya Sûrê derheqê vê yekê de daxuyaniyek da û ragihand, derketina derve ji bo “nehîştina çalakiyên terorê, parastina mal û canê welatiyan û dabînkirina aramiyê” tê qedexekirin.

Li gorî daxuyaniyê, qedexeya han tenê ji bo 6 taxên Sûrê ye û ew rewş heta fermanek din dê bidome.

Heta niha gellek caran li navçeya Sûrê derketina derve hatiye qedexekirin û di navbera hêzên Tirk û şervanên YDG-Hê de şer derketiye. Ji ber şer, mal û avahiyên welatiyan ziyanek mezin dîtiye, gellek sivîl hatine kuştin û birîndar bûne.

Herî dawî, piştî terorkirina Serokê Baroya Amedê Tahir Elçî, derketina derve li Sûrê hatibû qedexekirin.
Tahir Elçî, roja 28ê Mijdara îsal, dema li navçeya Sûrê li ber minareya 4 stûn daxuyanî dida, hat terorkirin.