Encumena Niştimanî ya Kurd li Sûriyê (ENKS) xwepêşandanek li li kampa penberan li dijî kiryarên PYDê lidar xist û penaber jî dibêjin, ew qebûl nakin êdî penaber li kolanên xelkê bijîn.

ENKS xwepêşandanên xwe li dijî kiryarên PYDê li kampên penaberên Rojava yên li Herêma Kurdistanê bi dawî kir û êdî ewê li bajaran xwepêşandanan bikin.

Ev demeke li Rojavayê Kurdistanê ENKSê dest bi xwepêşandanên berfireh kiriye û xwepêşandanên wan bo nîşandana nerazîbûnê li hember biryara leşkeriya bi zorê, girtina siyasetmedar û xortan, ferzkirina îdolojiyê li ser xelkê û rêgirtin ji çalakiyên azad ên sazî û partiyan in.

Herwiha ENKSê li kampên penaberan jî xwepêşandan bo wê lidar xistin û xwepêşandanên xwe duhî li Kampa Fayidê ya parêzgeha Dihokê bi dawî anîn.

Endamê Nûneratiya ENKSê li Herêma Kurdistanê Behcet Beşîr ji Rûdawê re ragihand: “Emê êdî xwepêşandanan li bajarên Başûrê Kurdistanê lidar bixin.”

Ji aliyê xwe ve, Endamê Nûneratiya ENKSê li Herêma Kurdistanê Kawa Ezîzî ragihand: “Vekişandina Partiya Pêşverû ji ENKSê ti bandoreke xerab li ENKSê nake.”

Herwiha yek ji penaberan jî wiha got: “Em êdî qebûl nakin wek penaber li kolanên xelkê bijîn. Em kiryarên PYDê şermezar dikin û daxwaza yekrêziya kurdî dikin.”

Rudaw