Di warê reform û çaksaziyan de Amerîka dê alîkariya herêma Kurdistanê bike
Di civînê de ku Qubad Talebanî cîgirê serokwezîr amade bû, şandeya mêvan serkeftina operasiyona hêzên pêşmerge ya azadkirina Şingalê ji bin destên terorîstên DAÎŞ pîroz kir û hevahengiya navbera hêzên pêşmerge û hevpeymanan di encamdana wê operasiyonê de bilind nirxand û bi destkeftiyeke girign wesif kir. Wê şandeyê tekîd li ser berdewamiya alîkariyên leşkerî bo pêşmergeyê Kurdistanê û hevkarîkirina hikûmeta herêma Kurdistanê di warê avadankirina Şingalê de nîşan da.
Cîgirê wezîrê derve yê Amerîkayê serdana kampên koçber û penaberan li herêma Kurdistanê kir û îşaret bi wê yekê kir ku tevî kirîza êkonomî û şerê dijî terorîstên DAÎŞ ku, bargiraniyek mezin çêkiriye, lê hikûmeta herêma Kurdistanê bi baştirîn awayî pêşwazî li koçber û penaberan kiriye, hewandine û xizmetgozariyên pêwîst jê re dabîn kirine. Û got ku ew dê ji aliyê xwe ve civaka navdewletî haydar bikin ku zêdetir hevkariya hikûmeta herêma Kurdistanê bike û ew barê giranê li ser milê hikûmeta herêma Kurdistanê heye sivik bike.
Nêçîrvan Barzanî sipasiya piştevanî û alîkariyên Amarîkayê bo pêşmergeyê Kurdistanê di şerê dijî terorîstên DAÎŞ de kir ku, ji sedema wê piştevanî û wê alîkariyê balansa hêzê di berjewendiya pêşmergeyê Kurdistanê de ye. Serokwezîr li ser navê xelk, pêşmerge û hikûmeta herêma Kurdistanê sipasiya Amerîkayê kir ku, her ji destpêka êrîşên DAÎŞê di warê leşkerî û însanî de alîkariya herêma Kudistanê kiriye û hêvî kir ku di avadankirina Şingalê û deverên din yên ji bin destê terorîstan de hatîne azadkirin alîkariyê bikin.
Li dor rewşa êkonomîya herêma Kurdistanê, serowkezîr got ku, hikûmeta herêma Kurdistanê ji bona reform û çakzasiyê di warê êkonomî de pilanek amade kiriye. Şandeya mêvan jî got ku di warê reforman de pispor û şîretmendên amerîkayî dikarin alîkariya hikûmeta herêma Kurdistanê bikin.
Têkeliyên Kurdistanê û Amerîkayê û têkeliyên Hewlêr û Bexdayê û çareserkirina pirsgirêkên navbera Hewlêrê û bexdayê di civînê de hatin gotûbêj kirin.
