Wezareta Derve ya Amerîkayê eşkere kir ku li bajarê Hewlêrê yê Başûrê Kurdistanê, dê navendekê ji bo wergirtina penaberên ku dixwazin mafê penaberiya Amerîka werbigirin, veke.

Berdevkê Wezareta Derve ya Amerîkayê Dana Vanbirandit ragihand, Amerîka bernameyeke berfireh ji bo vekirina 2 navendên wergirtina penaberan li Rojhilata Navîn daniye û got, karê serekî yê wan navendan dê hevdîtin û wergirtina daxwazên wan kesan be yên ku dixwazin wek penaber berê xwe bidin Amerîkayê.

Berdevkê Wezareta Derve ya Amerîkayê eşkere kir ku yek ji wan navendan dê li bajarê Hewlêrê û ya din jî dê li Lubnanê were vekirin.

Wî rayedarê amerîkî anî ziman ku navenda Hewlêrê dê dawiya sala 2015ê û ya Lubnanê jî destpêka sala 2016ê were vekirin.

Li seranserî cîhanê, Wezareta Derve ya Amerîkayê 9 navendên wergirtina penaberan vekiriye.

Rudaw