Hêzên Iraqî dibêjin tenê 5 kîlometran ji Tikrîtê dûrin
Parêzgarê Selahedînê Raîd Cibûrî di konfransa rojnamevanî de ragihand, ku hêzên ewlehî yên Iraqê piştî azad kirina navçeya Albo Hesanî pêşdeçûneke baş kirine û niha li 5 kîlometriya bajarokê Elem bi cih bûne û pira Albo Şuwarib û taxa Tîn li bajarê Tikrîtê jî hatine azadkirin û niha di bin kontrola hêzên ewlehiyên Iraqê de ne.
Li gor gotina Raîd Cibûrî di şer û pevçûnûn navbera hêzên Iraqî û terorîstên DAIŞê de, gelek çekdarên DAIŞê hatin ekuştin û firokeyên cengî yên Hevpeymanan jî bandoreke baş di bombebarana binkeyên çekdarên DAIŞê de hebûne û hêzên hikûmeta Iraqê pêşde diçin.
Parêzgarê Selahedînê herwiha da xuyakirin, ku proseya azad kirina Tikrît û parêzgeha Selahedînê heta rizgar kirina yekcarekiya evê parêzgehê dê berdewam be.
Doh duşembe hêzên artêşa Iraqê li gel beşdariya hêzên Heşda Şeibî ku mîlîşiyayeke Şîeyên Iraqê ye û herwiha hêzeke mîlîşiyayî ya Sunneyan, piştî amadekariyeke zêde, dest bi operasiyoneke berfireh bo azad kirina bajarê Tikrît a navenda parêzgeha Selahedînê ji dest DAIŞê kirin.
Li gor zanyariyan di evê operasiyonê de 30 hezar çekdarên ser bi hikûmeta Iraqê ve beşdarin û hêzên Iraqî ji çar aliyan ve êrişî ser çeperên DAIŞê li derdora Tikrîtê kirine.
Herwiha hatiye ragihandin, ku Qasim Sulêymanî fermandeyê supayê Quds a ser bi supayê pasdarên Îranê ve jî bo beşdarî di evê operasiyonê de bi firokeyeke taybet çûye bajarê Samera ya li nêzîk Tikrîtê û li wir serpirestiya êrişê dike.
Di evê operasiyonê de, cêtên cengî yên hêza hewayiya Iraqê jî beşdarin û binkeyên DAIŞê bombebaran dikin.
Hêzên ser bi hikûmeta Iraqê ve ragiahndine, ku niha tenê 5 kîlometran ji navenda bajarê Tikrîtê dûrin, lê hêşta ti aliyeke bê alî ew zanyarî piştrast nekirine.
Bajarê Tikrît navenda parêzgeha Selahedîn bi qasî 150 kîlometran ji bakrê Bexdadê dûre û piştî ketina Mûsilê bi destê DAIŞê, ev bajar jî kete destê wan.
