“Pêşmerge karîbûn Efsaneya DAÎŞ bişkênin”
Di pêşkêşkirina semînara xwe de Hêmin Hewramî zanyarî liser dawîn rewşa Kurdistanê dan profesor, mamoste û xwendekarên zanîngehê.
Hewramî behsa rola Pêşmergeyên Kurdistanê kir di rûbirûbûna êrîşên çekdarên rêxistitina Dewleta Islamî ya radîkal (DAIŞ) de û parastina koçber û derbideran.
Di axaftinên xwe de Hewramî amaje bi rola Serokê Herêma Kurdistanê Mesûd Barzanî kir bo yekxistin û nêzîkkirina hemû kurdan di bin yek sêwanê de, herwiha jibo biryardana şandina Pêşemrge bo Kobanê û rizgarkirina wan deveran xaleke girîng ya axaftinên Hewramî bû.
Di berdewamiya gotinên xwe de Hêmin Hewramî behsa alîkarî û piştevanyiên navdewletî jî kir, taybet peywendiyên Kurdistan û welatên Ewropî û cîhanî.
Di axaftinên xwe de Hewramî behsa gotina Barzanî dike dema dibêje “Pêşmerge karîbun Efsaneya DAIŞ bişkênin”. Ev jî vedigere ku heybet û westana hêzên pêşmergên Kurdistanê û hebûna xwe baweriyê, take hêze dikare hevwelatiyan biparêze.
Di dawiya axaftinên xwe de Hewramî spasiya Hikûmet û 8 gelên Holenda kir jibo alîkariyên wan ên berdewam taybet bo penaberan.
basnews
