Serokwezîr Barzanî diçe Tirkiyê
Sekreterê Rojnamevaniyê yê Serokwezîrê Herêma Kurdistanê, Samî Ergoşî ji Rûdawê re got, Serokwezîr Barzanî dê sibê serdana Tirkiyeyê bike.
Ergoşî diyar kir ku Serokwezîrê Herêma Kurdistanê dê bi Serokomar Recep Tayyip Erdogan û Serokwezîr Ahmet Davûtoglu re hevdîtin bike.
Li gorî agahiyên Ergoşî, di serdana Serokwezîr Barzanî ya sibê de dê pêwendiyên Hewlêr û Enqereyê di warê enerjî û petrolê de bên axaftin.
Wezîrê Samanên Sirûştî Aştî Hewramî jî bi Nêçîrvan Barzanî re diçe Tirkiyê.
Rudaw
