Danûstandinên Hewlêr û Bexdayê berdewam dibin
Di civînê de eşkere bû ku ji ber kirîza êkonomî û nebûna pereyean li bankayên Îraqê, hikûmeta Îraq nikare budceya herêma Kurdistanê weke di qanûn abudceya Îraq ya giştî ya sala 2015ê de hatite destnîşan kirin bide. Ji bona dîtina çaresriyeke minasib her du aliyan tekîd li ser berdewamiy danûstandinan kir û piştî civîna duytemîn bidawî hatî şandeya herêma Kurdistanê vegeriya Hewlêrê.
Weke tê zanîna Nêçîrvan Barzanî û şandeya pê re dema îro gihiştîn Bexdayê digel Heyder Ebadî serokwezîr Îraqê civiyan û di civînê de rewşa siyasî û emniya Îraqê, şerê dijî terorîstên DAÎŞ, giringiya hevkarî û hevahengiya navbera pêşmerge û arteşa Îraqê di rûbirûbûna terorê de, piştgiriya hevpeyamnaiya navdewletî li Îraq û herêma Kurdistanê di şerê dijî DAÎŞê de, kirîza êkonomiya Îraqê û çend mijarên din gotûbêj kiribûn.
Di civîna yekem ya serokwezîrê Îraqê û serokwezîrê Kurdistanê de, lihevhatina vêdawiyê ya navbera Hewlêr û Bexdayê û ew lihevtênegihiştina li ser çend madeyên wê lihevhatinê hene hatibûn gotûbêj kirin û piştî her du aliyan dîtin û helwestên xwe zelal kiribûn, tabloya hinardekirina neftê ji aliyê herêma Kurdistanê ve bo derve hatibû behis kirin û her du aliyan pabendiya xwe bi wê lihevhatinê diyar kiribû, lê her du alî gihan wê baweriyê ku pirsgirêk û astengiya li pêşiya cîbicîkirina wê lihevhatinê hebûna kirîza êkonomî ye li timamî Îraqê û divê rewşê de hikûmeta Îraqê nikare weke pêwîst budceya du mehan, meha yek û du, bo herêma Kurdistanê binêre
Şandeya herêma Kurdistanê a bi serokatiya Nêçîrvan Barzanî ji; Qubad Talebanî cîgirê serokwezîr, Fuad Hisên serokê dîwana serokatiya herêma Kurdistanê, Aştî Hewramî wezîrê samanên xwezayî, Rêbaz hemelan wezîrê êkonomî, Elî Sindê wezîrê pilandananê, Sefîn Dizeyî peyvdarê hikûmetê û sekreterên sivata wezîran pêkhatibû.
