Çekdarên DAIŞê êrîşek li ser pêgehên Hêzên Pêşmergeyên Kurdistanê li gundê Şaroxa pêkanîn, lê Pêşmegreyan bi tundî bersiva wan dan û 45 çekdar di wê êrîşê de hatin kuştin.

Fermanderekî Pêşmergeyên Zêrevan aşkere kir ku, di êrîşa şeva borî de ya çekdarên DAIŞ`ê bo ser gundê Şaroxa li eniya Rojavayê Dicle, termê 45 çekdaran li qada şer mane.

Efserê Pêşmergeyên Zêrvanî li eniya Rojavayê Decle Kameran Hewramî ji BasNewsê re got: “Di êrîşa şeva borî de ya çekdarên DAIŞ`ê bo ser gundê Şaroxa ku ser bi nahiya Wankê ve ye, Hêzên Pêşmergeyên Kurdistanê karîbûn piştî rûbirûbûneke bi hêz wê êrîşê pûçbikin“.

Hewramî got jî: ”Di wê êrîşê de Pêşmergeyan Karîbûn 45 çekdarên DAIŞ`ê bikujin û niha jî termên wan li cem Pêşmergene û biryare wan terman kom bikin û piştre li cihekî veşêrin.”

Derbarê bi zirarên Pêşmerge jî navborî got: “Di wê êrîşê de 3 Pêşmerge şehîdbûn û hejmareke din jî birîndarbûn, îro jî rewşa navçeyê arambûye.”

Basnews