Li Hirvatistanê li gorî encamên ne fermî yên hilbijartina serokomaretiyê, Kolinda Grabar Kitaroviç bû serokomar.

Encumena Hilbijartina Dewletê ragihand ku li gorî encamên ne fermî, di gera duyem a hilbijartina serokomareyê de %99,51 ji dengan hatine hejmartin.

Li gorî hijmartina dengan namzeda Yekbûyiya Demokratên Hirvat (HDZ) Kolinda Grabar Kitaroviç %50,43 ji dengan û namzedê Partiya Demokrat a Civakî (SDP) Ivo Yosipoviç jî ji %49,57 wergirt.

Li gorî encamên ne fermî Kolinda Grabar Kitaroviç jina yekemîn e ku li Hirvatistanê dibe serokomar.

Di navbera herdu namzedan de nêzîkî 21 hezar deng ferq hene.

Kitaroviç di axaftina serkeftinê de got: “Tevahiya Hirvatistanê hilbijartina qezenc kir.”

Kitaroviç anî zimanan dema ku HDZê ew wek namzed diyar kir gelek kesan jê re gotiye tu sernakevî û wiha got: “Min ti caran dest ji xwe berneda. Ezê ji bo Hirvastistanê jî wisa bixebitim.”

Rudaw