Şeva borî çekdarên DAIŞê êrîş kirine ser Pêşmergeyan li Guwêr, di şer û pevçûnan de hejmarek ji çekdarên DAIŞê hatin kuştin û êrîşa wan jî hat pûç kirin.

Berpirsê komîteya navçeya Qeraçê yê Partiya Demokrata Kurdistanê (PDK) Ismaîl Mihemed ji BasNewsê re got: “Çekdarên DAIŞê piştî wê yekê bû ku bidizî derbasî nava Guwêr bûbûn, rûbirûbûn di navbera wan û Pêşmergeyên Kurdistanê de qewimî û hejmarek ji çekdarên DAIŞê hatin kuştin.”

Derbarê dema şer de Ismaîl Mihemed diyar kir ku, demjimêr 20:30, bi dem aHewlêrê, çekdarana ji 9 aliyan ve êrîşî Pêşmergeyan kirin, şer û pevçûn jî heta demjimêr 07:00ê sibha îro Şemiyê berdewam bûn.

Naborî da zanîn ku, ew êrîşê bi serpreştiya xelfîeyê DAIŞê Ebû Bekir Bexdadî bû, lê piştî rûbirûbûna ligel Hêzên Pêşmerge, çekdarên DAIŞê şikestin û ber bi wî aliyê rûbara Dicle ve reviyan.

Wî berpirsê PDKê amaje kir ku, niha rewş li Guwêr aram e “Lê hê çekdar li nav avahiya nahiyeyê mane, ew jî çekên nîşangir bi wan re ne.”

Li gor gotina Ismaîl Miheme, ji ber ku rewşa seqa û hewayê ne alîkar bû, firokeyên hevpeymanan nikarîn zêde çekdaran bombebaran biki û wiha gotina xwe bidawî anî “Mixabin di wî şerî de hejmarek Pêşmerge şehîd û birîndar bûn” lê amaje bi wê hejmarê nekir.

Basnews