Ji duhî ve rewş li bajarê Kobanî aram e û dengê gule û teqeyan bilind nabin, hêzên kurdî jî di çeperên xwe de mane û piraniya pajêr jî di destê wan de ye.

Peyamnêrê Rûdawê li nêzîkî sînorê Kobanî Imer Kalo ragihand: “Li bajarê Kobanî ji duhî û heta îro sibehê ve şer li nav bajêr rawestiyaye û rewş aram e, lê balafirên hevpeymaniya navdewletî bi awayekî berdewam li asmanê Kobanê difirin.

Imer Kalo wiha domand: Niha Piraniya taxên bajêrê Kobanê di bin kontrola hêzên kurdî de ne û bi tenê taxa Kaniya Ereban, Miktelê, Şerîe û beşek ji taxên li bireka Kaşê Miştenûrê di destê DAIŞê de mene.”

Duhî jî, Yekîneyên Parastina Gel (YPG) ragihand ku, di şerê li Kobanî de wan 9 çekdarên DAIŞê kuştine.

Rudaw