Hevserokên Şaredariya navçeya Qoserê ya Mêrdînê, Leyla Salman û Îsmaîl Asi û komek endamên Encuemna Şaredariya Batmanê bi hêceta ku “pesnê Ocalan” dane, hatin girtin.

Li Tirkiye û Bakurê Kurdistanê, kampanyaya berdana Ocalan didome lê li hin deveran bi hêceta ku kampanya qanûnî nîne, girtin çêdibin.

Ji ber wê jî, îro Hevserokên Şaredariya Qosera Mêrdînê, Leyla Salman û Îsmaîl Asi bi tohmeta ku “pesnê sûcdar” û “propagandaya rêxistinê” kirine, hatin girtin.

Li gorî ajansên nûçeyan, li bajarê Batmanê jî 4 jê endamên Encumena Şaredariyê 7 kes bi heman tohmetê hatin girtin.

Rayedarên ku hatine girtin hemû endamên Partiya Herêmên Demokratîk (DBP) in.

Rudaw