Hemsereyê Şarîdarîya Pîl ê Mêrdîn Ahmet Türk va, pey nameyê İslam şarê Kurd şixulnîya. Hemsereyê Şarîdarîya Pîl ê Mêrdîn Ahmet Türk va, pey nameyê İslam şarê Kurd şixulnîya.

Panela ki teberê Stockholm’d semtê Märsta’d virazîya u hetê Feyyaz Kerîmo ra îdare bi’d; hemsereyanê Şarîdarîya Pîl ê Mêrdîn Ahmet Türk u Februnîye Akyol reyra, Sereyê Şarîdarîya Sîgtuna Gun Erîksson, Sereyê Meclîsa Şarîdarî Lars Bryntesson, Parlementerê Partîya Xebatkarê Demokrato Sosyal Yilmaz Kerîmo u Ragip Zarakolu’yo ki seranserê 1 serr ra nata Sîgtuna’d nuştoxo meymano zî qisey kerdî.

Goreyê xebera ANF, Ahmet Türk qiseyê xu’d va, raştey’d wahîrê Kurdîstan Asurî, Armanî u Ezdîyî. Hendê Kurdan, Kurdîstan ser’d heqê înan zî esto. Serrê 1911’d qeraro ki hetê Partîya İttîhat u Terakkî ra gerîya hata seranserê tarîxa Komar dewam kerd u hema zî dewam keno.

Ahmet Türk qiseyê xu rê wina dewam kerd; qeraro ki hetê dewlet ra serranê 1914-15’d gerîya, no qerar mîyan’d çi heyfo ki pey nameyê İslam şarê Kurd zî şixulnîya. Decê nê qirkerîşan’d ca girotişê kalikanê ma pîyanê ma nika ma ancenî. Qet bi qet deco ki ma vera birayanê xu kerdî xu ma do vîra nêkerî. Gerek ma qet zî xu vîra nêkerî. Ez nika wazena birayanê ma Suryanî, Armanî u Êzdî ma ef bikerê.

Türk zewbîna va, micadeleyo azadîyo ki 30 serra nata dewam keno teyna azadîya Kurdan nê, micadeleyê heme şaranê Rocveteyê Mîyanîno.

Basnews