Li Celewla 1500 milîşiyayên Şîe hatine belavkirin
Di civîneke çapemeniyê de Fermandeyê Operasyonên Dîcle Ebdulemîr Zeydî got: ‘’1500 çekdarên Şîe ku wek (Hişd El-Şabî) tên naskirin, li nehya Celewla hatine belavkirin. Herwiha me bi armanca parastina asayîşa qezayê ligel milîşiyayên Şîe lijneya hevbeş a ewlekariyê pêkaniye.’‘
Li gor Zeydî, niha hêzên ser bi Artêşa İraqê li gundên sînorê Qeretepe, Sadiye û nehya Tibiç a Hemrîn in û bi pêşkirina wan mîn û mayînan ve mijûl in ku çekdarên DAİŞ’ê danîbûn daku koçber vegerin ser mal û milkên xwe.
Herdu nehyeyên Sadiye û Celewla, du nehyeyên Kurdistanî ser bi qezaya Xaneqîn in. Piştî azadkirina wan ji aliyê Hêzên Pêşmerge, Artêşa İraqê û milîşiyayên Şîe ve, niha ew milîşiya li wan navçeyan belav bûne û welatiyên Kurd jî nerazîbûna xwe nîşan didin.
Basnews
