Li ser daxwaza Serokatiya Herêma Kurdistanê ku divê lez bê kirin di pêkanîna Komisyona Serbixwe ya Hilbijartin û Referandûmê de, îro endamên wê desteyê ku ji 9 kesan pêk tên li Parlamentoya Kurdistanê bawerî wergirtin.

Parlamentoya Kurdistanê îro bi piraniya dengê parlamenteran bawerî da 9 endamên Desteya Serbixwe ya Hilbijartinan û Serokê Liqa Hewlêrê ya Komisyona Bilind a Hilbijartinên İraqê bû serokê wê desteyê.

Hêjayê gotinê ye Serokê Herêma Kurdistanê Mesûd Barzanî di meha Temûza îsal de, daxwaz ji Parlamentoya Kurdistanê kir ku di hundirê 3 mehan de proje-yasaya Desteya Hilbijartin û Referandûmê pesend bike. Piştî çendîn gotûbêjan, bi dengê piraniya parlamenteran ew proje-yasa hat pesendkirin. Barzanî diyar kiribû ku evna wek amadekariyekê ye da li seranserê Herêma Kurdistanê referandûm were kirin

Navê endamên ku hatine hilbiratin ev in:

Hindirîn Mihemed

1- Ebdulsemed Xizir

2- Silêman Mistefa Hesen

Îsmaîl Heme Elî

Şîrwan Zirar Nebî

Cotyar Adil

Rêzan Heme Reşîd

Nehro Selîm Hena

Sebah Kureçî

Basnews