Serokê Rûsyayê Vladimir Putin dê îro, ji bo beşdarbûna 5emîn Civîna Encumana Hevkariya Tirkiye û Rusyayê, biçe Enqereyê.

Vladimir Putin û şanda li gel wî dê îro derdora nîvro bigihî Enqere ya paytextê Tirkiyeyê.

Putin dê li Koşka Serokomariyê bi merasîmekê bê pêşwazîkirin. Pitî merasîmê dê Putin û Serokomarê Tirkiyeyê Recep Tayyip Erdogan hevdîtinekê pêk bînin.

Piştî hevdîtina Putin û Erdogan dê 5emîn Civîna Encumana Hevkariya Tirkiye û Rusyayê bi rêvebirya herdûyan bê lidarxistin.

Di civîna ku wezîrên Rûsya û Tirkiyeyê jî beşdar bibin de, herdu alî gotûbêjan li ser xurtkirina peywendî û alîkariyên di navbera herdu welatan de bikin û bi taybetî di warê enerjiyê de.

Herwiha tê zanin ku di navbera herdu welatan de li ser mijarên navneteweyî nerînên cuda hene, wekî krîza li Sûriyê.

Rudaw