Hêzên Pêşmerge li nahiyeya Seidiyeyê ya girêdayî navçeya Xaneqînê dest bi êrişeke berfireh li dijî çekdarên DAIŞê kirin û niha pêşve diçin.

Peyamnêrê Rûdawê Helo Mihemed ji eniya Germesêrê ragihand: “Vê sibehê seat 4 Hêzên Pêşmerge li nahiyeya Seidiyeyê dest bi êrişeke berfireh li dijî çekdarên DAIŞê kirin.”

Helo Mihemed wiha got: “Hêzek mezin ji Pêşmerge û çekdarên Şîe di wê êrişê de ne û niha Hêzên Pêşmerge û ew hêzên din çend kîlometran pêşve çûne û nêzîkî Seidiyeyê bûne.”

Peyamnêrê Rûdawê wiha domand: “Tîmên pûçkirina mayîn û topan dest bi karê xwe kirine û wan bombên ku li ser rê ne pûç dikin da ku Hêzên Pêşmerge zêdetir pêşve biçin.”

Rudaw