Wezîrê Petrolê yê Iraqê Adil Ebdulmehdî derbarê rêkeftina dawî ya di navbera Hewlêr û Bexdayê de, diçe Parlamentoya Iraqê.

Parlamerterê kurd li Bexdayê Şaxewan Ebdula ji Rûdawê re ragihand: “Îro Parlamentoya Iraqê Wezîrê Petrolê yê Iraqê Adil Ebdulmehdî gazî rûniştina xwe dike û daxwaz jê bike derbarê rêkeftina bi Herêma Kurdistanê re li ser mijara petrola Kurdistanê, biaxive.”

Li gorî wî parlamenterê kurd, “Biryar e ew rûniştin îro seat 13:00 piştî nîvro bê pêk anîn.”

Di wê rêkeftina di navbera Hewlêr û Bexdayê de wek gava yekem ev biryar hatibûn dayîn:
*Hikûmeta Iraqê dê 500 milyon dolar bide Herêma Kurdistanê.
*Hikûmeta Herêma Kurdistanê dê rojane 150 hezar bermîl petrol bi rêya Bexdayê re bide firotin.
*Serokwezîr Barzanî di nav çend rojên bê de serdana Bexdayê dike û li ser çawaniya çareserkirina nakokiyan bi rayedarên Bexdayê re rûdinê.

Rudaw