Hat zanîn ku desthilatdarên Îranê projeyek amade kirine daku hejmarek navçe û parêzgahên welêt di çarçoveya herêman de bên organîzekirin û Rojhilatê Kurdistanê jî dibe 3 parçe.

Li gor malpera Millet a Îranî, desthilatdarên Îranê di warê îdarî de hinek navçe û parêzgehan dixin çarçoveya herêman qaşo daku karûbarê navxwe baştir birêve biçe û desthilata navendî jî kêm bibe. Di vê çarçoveyê de Rojhilatê Kurdistanê bo sê parçeyan hatiye dabeşkirin.

Li gor wê projeyê;

1- Sine û Urmiye dibin wilayetek.

2- Kirmanşan, Îlam û Hemedan dibin wilayetek.

3- Bajarê Kurd (Loristan) dibe wilayetek; ji xeynî çend bajar û bajarokên din ku berî bi parêzgehên din ve hatine girêdan.

Li aliyê din vê parçekirina îdarî wiha kir ku 60 parlamenterên wî welatî nerazîbûn û nîgeraniya xwe pêşan bidin. Di vê derbarê de Parlamenterê Rojhilatê Kurdistanê Meysem Bademçî ji Ajansa Zeman re got: ‘’Armanca vê parçekirinê, Farskirina navçeyên Kurdnişîn û kêmnetewên Îranê ye, evna dibe sedema reaksyonên xirab.’‘

Basnews