Serok Barzanî û Serokê Parlemena Kurdistanê civiyan
Li hevdîtinê de ku Fuad Husên Serokê Dîwana Serokayetiya Herêma Kurdistanê amade bû, rewşa meydanî ya bereyên rûbirûbûna terorîstên Da'îş û serkeftinên hêzên Pêşmergeyên Kurdistanê xistin ber behs û tekez li ser palpiştîkirina hêzên Pêşmerge kirin. Her li vê hevdîtinê de hengavên karkirina ji bo bi jenosayd nasandina êrîşên terorîstên Da'îş yên li ser Şengalê hate nirxandin û bi pêwîstî jî hate zanîn ku ragihandinên Kurdî bi hesta berpirsiyarêtiyê ve muamele li gel rewşa bereyên şer û piştevanîkirina hêzên Pêşmerge bikin û bi hestekî neteweyî û nîştîmanî ve doza jinên revandiyên Şengalê bixin rû.
Li beşekî dinê civîna di navbera Serok Barzanî û Serokê Parlemena Kurdistanê de behsa hemahengiya zêdetirê di navbera damezrawên siyadiyên Herêma Kurdistanê kirin û tîşk jî xistin li ser reşnûsa projeya destûra Herêma Kurdistanê û çawayiya muamelekirina li gel vê projeyê li qonaxa niha û paşarojê.
Her li vê kombûnê da di derbarê Kongreya Neteweyî û çawayiya karkirina di derbarê sazdan û serxistina Kongreya Neteweyî de danustandina bîr û ramanan kirin.
