Duh yekşem 02.11.2014 birêz Mesûd Barzanî Serokê Herêma Kurdistanê pêşwaziya Şêx Ehmed Asî El Cerba Serokê berê yê Îtîlafa Nîştîmaniya Sûriye û şandekî li gel kir.

Li hevdîtinê de ku Dr Roj Nurî Şaweys Cîgirê Serok Wezîrê Hikûmeta Iraqa Federal û Fazil Mîranî Sekreterê Mekteba Siyasiya Partiya Demokrata Kurdistanê amade bûn, rewşa siyasî û emniya Iraq, Sûriye û navçeyê û şerê dijî terorîstan hate guftûgo kirin û serkeftina hêzên Pêşmerge li rûbirûbûna terorîstan bilind hate nirxandin. Her li vê hevdîtinê de êrîşa terorîstan bi taybet rêxistina terorîstî ya Da'îş ya ser aramî û paşaroja navçeyê hate axaftin û di derbarê çawayiya rûbirûbûna terorîstan de danustandina bîr û ramanan kirin.

Her wiha her dû alî li ser ewe hevre bûn ku têkşikandina terorîstan û rîşekêşkirina wan pêwîstî bi hewlekî hevbeşa hemû aliyan heye.