Nûnerê Hikûmeta Kurdistanê li Yekêtiya Ewropayê ragehand ku biryar hatiye dan di rojên pêş de şandeke bilind ji berpirsên Yekîtiya Ewropayê seredana Hewlêrê bikin.

Di vê derbarê de Nûnerê Hikûmeta Kurdistanê li Yekîtiya Ewropayê Dilawer Ajgeyî ji BasNewsê re got: ‘’Mebesta serdana şanda Ewropayê bo Kurdistanê ew e ku rewşa şerê dijî DAİŞ’ê ji nêzîk ve bibîne ku îro ji dêlva Ewropa û cîhanê ve Pêşmergeyên Kurdistanê şerê DAİŞ’ê dikin. Wate hem şerê DAÎŞê dikin û hem jî koçberan bi xwedî dikin û diparêzin.’‘

Ajgeyî da zanîn kuu şanda Yekîtiya Ewropayê wê têkeliyên xwe ligel Kurdistanê bihêztir bike û liser rewşa dawîn, jiyan û rewşa koçberan, têkeliyên Hewlêr û Begdayê ligel berpirsên Kurdistanê gotûbê bikin.

Hêjayê gotinê ye şanda Yekîtiya Ewropayê dê bi serpereştiya Rêvebirê Giştî yê Beşa Bakurê Efrîka û Rojhilata Navîn Hugues Mingarelli û endamtiya Kordînatorê Dijî Terorê li Yekîtiya Ewropayê Gilles de Kerchove û hinek berpirsên din be.

Rudaw