Fermandeyê şervanên Kurd ên Êzdî li parêzgeha Nînewa û parlamenterê berê yê İraqê Mehma Xelîl ragehand ku Hêzên Pêşmerge şervanên Kurd ên Êzdî karîne 3 rêyên stratejîk kontrol bikin, ku navçeyê bi bajarê Mûsilê ve girêdidin.

Mehma Xelî da zanîn ku Hêzên Pêşmerge û şervanên Kurd ên Êzdî rêya Rebîe-Sûriye, Rebîe Telefer û Telefer-Şengal-Mûsilê kontrol kirine ku rêyên herî girîng ên stratejîk in bo parêzgeha Mûsilê.

Xelî behsa planên dahatû jî kir û got: ‘’Planên dahatû rizgarkirina navçeyên rojavayê Mûsilê ne ku qezaya Telefer û Şengalê li xwe digire û divê hikûmeta İraqê bi balefirên şer alîkarî û piştgiriya Hêzên Pêşmerge bike.’‘

Hêjayê gotinê ye di destpêka vê hefteyê de Pêşmergeyên Kurdistanê êrîşeke berfire birin ser binke û baregahên çekdarên DAİŞ’ê û karîn çend navçeyên girîng ên sînorê parêzgeha Mûsilê kontrol bikin, ku ew jî nehya Zumar û bîra petrolê ya Eyn Zale bûn, evna jî piştî rizgarkirina nehya Rebîe ya ser sînor tê ku Başûr û Rojavayê Kurdistanê bi hev ve girêdide.

Basnews