PYD bi rêya weşandina daxuyaniyeke nivîskî daxuyaniyên YNKê red kir.

Piştî ku îro yekemîn karwana hevkariyên leşkerî yên hikûmeta Kurdistanê bi hewldanên Serokê Kurdistanê birêz Mesûd Barzanî û bi rêya balefirên Amerîkayê ji bo Kobanê hate weguhastin, Yekîtiya Nîştimaniya Kurdistanê eşkere kir ku ev çekên han yên hêzên dije teror yên ser bi YNKê ne û xwest bi vê rengî rûya xwe di nava raya giştî ya Kurd de xweş bike.

Lêbelê partiya yekîtiya demokratîk ( PYD) yaku li Rojavayê Kurdistanê ev hevkariyên leşkerî wergirtiye ragehand ku hevkariyên han ne yên aliyekî ne belku hevkariyên hikûmet û Serokatiya Kurdistanê ne.

PYD di beşeke din ji daxuyaniya xwe de jiber hewldanên Serokê Kurdistanê birêz Mesûd Barzanî spasiya Serok Barzanî kiriye û herwiha destxweşiyên xwe jî pêşkêşî hikûmeta Kurdistanê kiriye.