Di rûniştina îro ya Parlamentoya Iraqê de berbijêrên wezaretên Navxwe û Parastinê dengê baweriyê wergirt in.

Mihemed el-Xeban bi 197 dengên parlamenteran bû Wezîrê Navxwe yê Hikûmeta Iraqê û Xalid Ubêd jî bi 173 dengan dengê baweriyê wergirt û bû Wezîrê Parastinê.

Herwiha di wê civînê de berbijêrê kurd Dr. Roj Nûrî Şawês bi 190 dengan baweriya parlamenteran wergirt û kursiyê cîgirê duyem ê Serokwezîrê Iraqê wergirt.

Serokê Fraksiyona Yekgirtûya Îslamî ya Kurdistanê li Parlamentoya Iraqê Dr. Musenna Emîn ji Rûdawê re ragihand: “Di civîna îro de, 8 wezîran û cîgirê duyem ê Serokwezîrê Iraqê bi rêjeyeke baş dengê baweriyê wergirtin û sonda yasayî jî xwarin.”

Ew berbijêrên ku îro dengê baweriyê wergirtin, ev in:

Dr. Roj Nûrî Şawês - Cîgirê duyem ê Serokwezîrê Iraqê
Xalid Ubêdî – Wezîrê Parastinê
Mihened el-Xeban – Wezîrê Navxwe
Hoşyar Zêbarî – Wezîrê Darayî
Firyad Rewanduzî – Wezîrê Rewşenbîrî
Dr. Derbaz Mihemed – Wezîrê Koç û Koçberiyê
Beyan Nûrî – Wezîra Karûbarên Jinan
Saman Abdula – Wezîrê Dewletê

Rudaw