Îro şandeke Parlamentoya Kurdistanê ku ji endamên hemû fraksyonan pêk tê, serdana bajarê Riha yê Rojavayê Kurdistanê dike û biryar e sibe kampek bi navê kampa Parlamentoya Kurdistanê bo koçberên Kobanê bê vekirin.

Derbarê serdanê de Parlamenter Amîne Zikrî ji BasNewsê re got: ‘’Piştî rûniştinên Parlamentoya Kurdistanê û gotûbêjkirina raporta wê komîteya ku serdana Kobanê kiribû, îro komîteya Parlamentoya Kurdistanê serdana bajarê Riha dike û sibe kampa Parlamentoya Kurdistanê li Pirsûsê bo koçberên Kobanê yê Rojavayê Kurdistanê tê vekirin.’‘

Amîne Zikrî wiha axifî: ‘’Kampa Parlamentoya Kurdistanê 260 malbatên koçber ên Kobanê li xwe digire, herwiha şanda Kurdistanê alîkarî jî ligel xwe biriye daku li ser koçberên Kurd belav bike.’‘

Hêjayê gotinê ye berî du hefteyan şandeke Parlamentoya Kurdistanê serdana koçberên Kobanê yên li Bakurê Kurdistanê kiribû û ji wir jî derbasî bajarê Kobanê bûbû û ji nêzîk ve rewşa bajêr şopandibû û raportek amade kiribû. Piştî vegerê ew raport li Parlamentoya Kurdistanê hat gotûbêjkirin.

Basnews