Li Kobanî gundek ji aliyê şervanên YPGê ve hat rizgarkirin, her wiha ew ala reş a DAIŞê ku li aliyê rojhilatê bajarê Kobanî hatibû daliqandin, êdî nayê dîtin. Li başûrê Kobanî jî bombe bi ser DAIŞê de barîn.

Li gorî pêzanînan, balafirên şer ên Amerîka û hêzên hevpeyman îro danê sibê dîsa li çeperên DAIŞê yên li başûrê Kobanî dan.


Di encamê de gellek çeper û otomobîlên zirhî yên DAIŞê hatin jinavbirin. Şer û pevçûn li sê eniyên Kobanî didome. Dengê şer û pevçûnên ku li deverên nêzîkî sînor didome, li navçeya Pirsûsê ya Rihayê jî tê bihîstin.


Hat gotin ku ew ala reş a DAIŞê ya ku li rojhilatê bajaê Kobanî hatibû daliqandin, êdî nayê dîtin.


Ji aliyekî din, şervanên YPGê karîn piştî mehekê şer û pevçûn yekemîn gundê Kobanî ji destê çekdarên DAIŞê rizgar bikin.


Li gorî malpera ANHAyê ya nêzîkî PYDê, şervanên YPGê karîn gundê Til Şeîrê ji çekdarên DAIŞê paqij bikin.

Rûdaw