Li navçeya Kobaşî ya ser bi nahiyeya Celewleyê ya parêzgeha Diyaleyê ve bombeyek bi otombîla Hêzên Pêşmerge de teqiya û di encam de 4 Pêşmerge şehîd bûn.

Fermandarê Hêzên Piştevaniya 2 ya pêşmerge Lîwa Husên Mensûr ji Rûdawê re ragihand: “Li navçeya Kobaşî bombeyek çandî bi otombîla Hêzên Pêşmerge de teqiya û di encamê de 4 Pêşmerge şehîd bûn.”

Mensûr tekez kir ku, “Ji bilî wan 4 şehîdan, di encama wê teqînê de ti birîndar neketine.”

Lîwa Husên Mensûr wiha got: “Çekdarên DAIŞê îro rokêtek avêtin bajarê Xaneqînê, lê ti ziyanên canî nebûn.”

Rudaw