Yekîneyên Parastina Gel (YPG) hêzên piştevaniyê şand herêma Kobanî ya Rojavayê Kurdistanê ku niha di bin êrişên giran ên DAIŞê de ye.

Ev 4 roj in li nav gundên di navbera herêma Girê Spiî û Kobanî ya Rojavayê Kurdistanê de şer û pevçûnên giran di navbera hêzên YPG û çekdarên DAIŞê de didomin.

Hat zanîn ku YPGê derdora 1500 şervanên xwe yên li Qamişlo, Dêrezor û Efrînê şandiye Kobanê.

Li gorî agahiyan, dema hêzên piştevaniyê yên YPGê gihîştin devera Kobanî gelê wir kêfxweşî nîşan dane û bi siloganan çûne pêşwaziya wan şervanên YPGê.

Ji aliyekî din, piştî aloziya sînorê Tirkiye û Sûriyê û êrişên DAIŞê li dijî herêma Kobanî ya Rojavayê Kurdistanê artêşa Tirkiyeyê jî li ser sînorê Bakur û Rojava hêz dicivîne û di rewşa amadebaşiyê de ye.

Berdevkê Artêşa Azad a Sûriyê jî du ji Rûdawê re gotibû, wan jî yekîneyek mezin ji Helebê ber bi Kobanî ve bi rê kirine.

Rudaw