Li Wanê kampanyayên bo kurdên êzîdî ku ji komkujiya DAIŞê reviyane berdewam dikin û Komeleya Xwendekarên Zanîngeha Yuzuncuyilê bo alîkariyê kermes danîn.

Xwendekaran li Kolana Hunerê kermes (bo alîkarî xwarin çêkirin û firotin) danîn û welatiyan eleqeyeke mezin nîşan dan.

Di kermesê de gelek xwarin û vexwarinên herêmî û şîrînayî hatin firotin. Hate ragihandin ku dahatiyên van xwarinan dê radestê “Komîteya Alîkariya Rojava û Şengalê” ya li Wanê bê kirin û bi vê dê pêdiviyên alîkarî bên kirîn.

Kermes wê sê roj vekirî bimîne.

Her wiha kampanyayên alîkarî ku li Wanê bi armanca mexdûrên Şengal û Rojavayê hatibû destpêkirin jî didomin.

Rudaw