Welatiyên xwebexş ên eniya Giwêr di operasyonekê de 17 sîxurên DAİŞ’ê girtin ku li sînorê nehya Giwêr yê di navbera DAİŞ û Hêzên Pêşmerge de alîkariya DAİŞ’ê dikirin.

Azad Balekî ku yek ji welatiyên xwebexş e û ligel Hêzên Pêşmerge şerê çekdarên DAİŞ’ê dikin, ji BasNewsê re got: ‘’Di operasyoneke welatiyên xwebexş ên sînorê Soran û Balekayetî û Qesrê de li nav gundê Gêtelî ê ser bi qezaya Giwêr, me karî 17 tawanbaran bigrin ku hemû Ereb in û xwe li nav darên di navbera DAİŞ û Hêzên Pêşmerge de veşartibûn.’‘

Balekî da zanîn ku navê wan hemû kesan li ba asayîşê hebû û axaftina xwe wiha qedand: ‘’Navê wan hemûyan hebû lê heta niha nehatibûn girtin û ji çekdarên DAİŞ’ê re dixebitîn li dijî Hêzên Pêşmerge. Piştî hatin girtin jî me hemû radestî asayîşa navçeyê kirin.’‘

Basnews