Wezîrê Berevaniyê yê Brîtanya Michael Fallon ragehand ku ew jî xwe amade dikin li navçeyên Şingal û Mexmûrê hevkariya Amerîkayê bikin û bi rêya esmanî pêgehên çekdarên DAİŞ’ê bombardiman bikin. Fallon diyar kir ku dê alîkariyê jî bighînin koçberên Şingalê.

Hêjayê gotinê ye roja Pêcşema borî Serokê Amerîkayê Barack Obama biryar da ku hêzên esmanî yên Amerîkayê pêgehên DAİŞ’ê bombardiman bikin û heta niha du caran balefirên şer ê Amerîkayê pêgehên çekdarên DAİŞ’ê li sînorê Mexmûr bombardiman kirine.

Qeymeqamê Qezaya Berdereş Serdar Yehya ku niha li cepheya şer a Xazir e, gotibû: ‘‘Bi piştîvaniya hêzên esmanî ku navçe bombardiman dikirin, çekdarên DAİŞ’ê li gundên Sehes Şam, Orgumas û Sêvdînan li ser qeraxa rûbarê Xazir derbeyên giran xwarin û paşde reviyan, zêdeyî 70 termên xwe bicîh hiştin û zêdeyî 5 Hummer û 14 otomobîlên din jî hatin şikandin û şewitandin.

Basnews