Encûmena Rûhanî ya Êzdiyan ragehand ku hikûmeta Kurdistanê razî bûye û dê sê binke ji bo çekdarkirina ciwanên Kurd ên Êzdî were vekirin daku piştre xwebexş biçin nav rêzên Pêşmerge yên Kurdistanê.

Di vê derbarê de Berdevkê Encûmena Rûhanî ya Êzdiyan Kerîm Silêman agahî dan çapemeniyê û got: ‘’Li ser razîbûna hikûmeta Kurdistanê çend binkeyên taybet bo çekdarkirina ciwanên Êzdî yên daniştvanên Şengalê tê vekirin daku perwerdê bibînin û piştre ligel Pêşmergeyên Kurdistanê şerê terorîst û DAİŞ’ê bikin.’‘

Kerîm Silêman da zanîn ku wergirtina ciwanan xwebeş e û ne tenê ciwanên Êzdî yên Misilman jî dikarin xwebexş li wê navendê navê xwe tomar bikin. Silêman axaftina xwe wiha qedand: ‘’Ew hersê binke dê li Sêmêlê, Şêxan û Duhokê werin vekirin, wek destpêk dê navê 2 hezar Kurdên Êzdî were tomarkirin.’‘

Roja 3ê mehê çekdarên rêxistina radîkal a bi navê Dewleta Îslamî ya Iraq û Şamê (DAIŞ) bajarokê Şingalê girtin û ji wê demê heta niha şer û pevçûn di navbera Hêzên Pêşmerge û çekdarên DAIŞê de berdewame bo vegerandina Şengalê.

Basnews