Nêçîrvan Barzanî serokwezîrê herêma Kurdistanê di daxuyaniyekê de bo malpera fermiya hikûmeta herêma Kurdistanê piştevaniya xwe ji bo qanûna jimara 6551 a parlamentoya Tirkiyeyê a ji bona pêvajoya çareseriya pirsa kurd li Tirkiyeyê û ji bo pêngavên biwêr yên serokwezîrê Tirkiyeyê ji bona dawîanîn bi şer û pêkanîna aşitiyê û jiyaneke arama civakî nîşan da.

Ev li jêr teksta daxuyaniya Nêçîrvan Barzanî serokwezîrê herêma Kurdistanê:

Xebatên niha tên kirin û ew bizava ji bona pêvajoya aşitiyê û çareserkirina pirsa kurd bi aşitî li Tirkiyeyê cîyê dilxweşiyê ne û em hêvîdar in ew xebat bibin sedemê ku, gelê Tirkiyeyê di hemû waran de zêdetir pêşde biçe.

Her di vê çarçoveyê de, qanûna jimare 6551 a parlamentoya Tirkiyeyê, a bi pêşniyar û piştevaniya Partiya Dad û Geşepêdanê a bi serokatiya birêz Receb Teyb Erdogan, ji bo pêkanîna aşitiyê û çaresrkirina pirsa kurd li Tirkiyeyê pêngaveke din a gelek giring e, ji ber ku, wê qanûnê danûstandin û pêngavên çaresrî û aşitiyê xistin çarçoevyekî siyasî-qanûnî de.

Me çewa berê piştevaniya pêngavên biwêrên birêz Receb Teyb Erdogan û hikûmeta Tirkiyeyê yên ji bona çareseriya bi aşitî dikir, em piştevaniyê li vê pêngava giring jî dikin û em hêvîdar in gelê Tirkiyeyê ji sedema wê qanûnê dinav civakeke aram û aşitî de bijî û derfetên zêdetir yên pêşketinê ji bo gelê Tirkiyeyê dabîn bike.