Ji ber zextên navxweyî û navdewletî ku naxwazin cara sêyem Nûrî Malikî bibe serokwezîr, Şîeyên İraqê ji bo cihê Malikî li ser du namzetan lihev kirin, yek ji wan Adil Ebdulmehdî û yên din jî Ehmed Çelebî ye.

Niha Hevpeymaniya Niştimanî ya Şîeyan pêdagir e li ser wêya ku careke din Malikî nebe serokwezîr, çavkaniyekê ji hevpeymaniya navbirî jî eşkere kir ku wan du namzet bo postê serokwezîr diyar kirine.

Di vê derbarê de çavkaniyekê ji Hevpeymaniya Niştimanî ji medya İraqê re got: ‘’Şîeyên İraqê Adil Ebdulmehdî û Ehmed Çelebî bo postê serokwezîr diyar kirine û ew herdu namzetên Şîeyan e.’‘

Ji aliyekî din ve dawiya hefteya borî Partiya Dawe di serdanekê de bo Tehranê ragehandibû ku ew dê Tariq Necim û Elî Edîb bikin namzet bo postê serokwezîrê İraqê, lê diyar e ev navên han ji aliyê Îran û aliyên din ên siyasî ve nehatine pesendkirin.

Basnews