Li Dêrsimê di navbera leşkerên tirk û gerîlayên PKKê de şer derket
Li gorî medyaya Tirkiyê, hêzên artêşa Tirkiyê duh bi şev li çiyayên derdora navçeyên Hozat û Ovacikê yên Dêrsimê li dijî gerîlayên PKKê û çekdarên rêxistina çep a TÎKKOyê dest bi operasyonê kirin.
Ji ber vê yekê, di navbera leşkerên tirk û gerîlayên PKK û TÎKKOyê de şer û pevçûn derket.
Piştî derketina şer helîkopterên şer ên artêşa Tirkiyê rê û cihên ku gerîlayên PKK û TÎKKO tê re derbas dibûn dan ber bombeyan.
Lê hat gotin di şerê han de ti kuştî û birîndarek ji her du aliyan çênebûye.
Ligel berdewambûna agirbesta navbera artêşa Tirkiyê û PKKê de, di heyama 1-2 mehên borî de çend caran şer û pevçûnên biçûk di navbera leşkerên tirk û gerîlayên PKKê de çêbûye lê heta niha ti kes di van şeran de jiyana xwe ji dest nedaye.
Rudaw
