Li bajarê Hewlêrê li ber avahiya Konsulxaneya Îranê li dijî bidarvekirina kurdan ji aliyê rêjîma îslamî ve xwepêşandan hat sazkirin. Hat gotin, hinek xwepêşanderan avahiya konsulxanê dan ber keviran û ji ber vê yekê jî 2 kes hatine girtin.

Îro (08.11.2013) derdora saet 16:00 li ber avahiya Konsulxaneya Îranê li bajarê Hewlêrê, xwepêşandanek li dijî bidarvekirina kurdan ji aliyê rêjîma îslamî ya Îranê ve hat lidarxistin.

Di xwepêşandanê de ku pirranî alîgir û endamên partiyên Rojhilatê Kurdistanê beşdar bibûn, siloganên li dijî bidarvekirinê hatin gotin.

Li gorî agahiyên peyamnêrê Rûdawê, di nav xwepêşanderan hinek kesan avahiya konsulxanê dan ber keviran lê hêzên asayiş û polîs aloziya han kontrol kirin.

hat zanîn, 2 kesên ku mohleta xwepêşandanê li ser navên wan hatibû dayîn, ji aliyê hêzên polîs ve hatin girtin.

Rudaw