Serokwezîrê herêma Kurdistanê Nêçîrvan Barzanî li ser vexwendina fermî ya serokwezîrê Tirkiyê Receb Tayyip Erdogan dê îro pêncşemê biçe Tirkiyeyê û li gel berpirsên pile bilindên evî welatî dîdar bike.


Li gor zanyarîyan berî serdanê jî, şandeke hikûmeta herêma Kurdistanê ji bo rêkxistina hevdîtin û programa serdanê, dê biçe Tirkiyeyê. Dihê çaverêkirin, ku di serdana serokwezîr Barzanî de bo Tirkiyeyê, borîya neftê di navbera herêma Kurdistanê û Tirkiyê de bi awayeke fermî bihê ragihandin.

Di bêjedanekê de bo malpera fermîya hikûmeta Herêma Kurdistanê jî de Samî Ergoşî sekreterê rojnamevanîyê serokwezîrê Herêma Kurdistanê ragihandiye, ku roja pêncşembe 31 /10/2013 bi vexwandineke fermî ji alîyê serokwezîrê Tirkiyeyê Receb Tayib Erdogan ve, serokwezîrê Herêma Kurdistanê Nêçîrvan Barzanî serdana Tirkiyeyê dike.

Di bareya bernameya s erdana serokwezîr Barzanî jî de, Samî Ergoşî ragihandiye:´´ Nêçîrvan Barzanî di kevana serdana xwe de dê li gel her yek ji Receb Tayib Erdogan serokwezîr û Ehmed Davudoglu wezîrê derveyê Tirkiyeyê dîdar bike û bi wan re derbarê peywendîyên Herêma Kurdistanê û Tirkiyeyê, rewş û pêşhatên nawçeyê guftûgo bike.

- See more at: http://peyamner.com/kurdi/PNAnews.aspx?ID=323978#sthash.c4jVVPr9.dpuf