Mesrûr Barzanî bi her du Konsolosên Franseyê re civiya
Îro li Selahedînê Şewirmendê civata ewlekariya nîştimaniya Kurdistanê birêz Mesrûr Barzanî bi her du Konsolosên Franse yên Hewlêr û Bexdayê re civiya.
Di destpêka civînê de Konsolosên Franseyê kêfxweşiya xwe ya li hember serkeftina prosesa hilbijartinên Kurdistanê diyar kirin û prosesa hilbijartinê jî bi proseseke nimûneyî bo demokrasiya Rojhilata Navîn bilêv kirin û hêvî xwestin ku, perlementoya nû Kurdistanê di demeke nêz de dest bi karên xwe bike û kabîneya nû ya hikûmetê li gor daxwazên xelkê were damezrandin.
Konsolosên Franseyê ew yek jî eşkere kirin ku, Franse baweriyeke bihêz bi serkeftina prosesa aramî û ewlekarî ya Kurdistanê heye û gotin: Li Kurdistanê de derfet bo teror û tundûtîjî tuneye û hewldanên derve nikarin rewşa aram ya Kurdistanê aloz bikin.
Di beşeke din ya hevdîtina han de Şewirmendê civata ewlekariya Kurdistanê birêz Mesrûr Barzanî rewşa Îraq û deverê şîrove kir û ragehand ku, Kurdistanê piştgîriya rêbazên aştiyane yên bo çareser kirina kêşeyên heyî yên li deverê de dike.
Derbarê qirîza Sûriyayê de jî birêz Mesrûr Barzanî got: Hêvî dixwazim bi hevkariya welatên deverê û welatên cîhanî bilez gelê Sûriyayê ji qirîza han rizgar bibe.
Di dawiya hevdîtina han de her du alî tekez li ser bihêztir kirina peyvendiyên heyî yên di navbera Kurdistan û Franseyê de kirin.
