Fermadeya Yekîneyên Parastina Gel (YPG) ya qada Heleb – Efrîn`ê ragihand ku di encama şer û pevçûnên 3 rojên dawîn ya di navbera Yekîneyên Parastina Gel (YPG) û Dewleta Îslamî ya Îraq – Şamê (DAIŞ) de li derdora gundên Qestel Cindo û Yazî Baxê û Mierîn ya Herêma Efrînê de 24 çekdarên Dewleta Îslamî ya Îraq – Şamê (DAIŞ) hatine kuştin û YPG dest daniye ser 4 Topên cûrê Cihenem, Rokêtavêjek RBC,10 çekên Kilaşînkof, bi hezaran guleyên BKS û 2 otombêlên cûrê Toyota û Pick Up.

Hêjayî gotinê ye ku grûpên çekdar yên Dewleta Îslamî ya Îraq – Şamê (DAIŞ) hewl didin ku gundên Yazî Bax û Yazî Baxê dagîr bikin lê rastî berxwedan û bersivdayîna Yekîneyên Parastina Gel (YPG) tên û neçar dibin ku paşve vegerin.