Balyozxaneya wîleyetên yekgirtîyên Amerîkayê ya li Bexdadê û konsûlxaneya giştîya Amerîka ya li Hewlêrê sebaret bi encamdana hilbijartinên parlemanîya Kurdistanê bi şêweyeke serkevtî, pîrozbayî li Herêma Kurdistan-Iraqê dikin û tekez kirine ku derfet bo hevniştîmanîyên herêmê bo praktîzekirina mafên xwe yên demokratîk li ser sindoqên dengdanê desteber bûye.

Balyozxanya Amerîka li Bexdadê û herwiha konsûlxaneya Amerîka li Hewlêrê di bareya hilbijartinên serkevtî yên parlemana Kurdistanê de peyamake pîrozbayî pêşkêşî xelk û hikûmeta Herêma Kurdistanê kirine.

Di beyannameyeke hevbeş de, nûnerayetîên Amerîka li Hewlêr û Bexdadê ragihandine, ku ´´ew hilbijartin pêngaveke giring bû bi arasteya xurtkirina dahatûya demokrasîyê li Iraqê.´´ Herwiha tekez kirine:´´ pîrozbahîyê li komisiyona bilinda serbixweya hilbijartinan dikeyn ku bi rêkûpêkî hilbijartin birêve bir.´´

Nûneratîyên Amerîka basa rola çavdêrên cîhanî û navxweyî û çavdêrên civaka sivîl di proseya hilbijartinên Herêma Kurdistanê de jî kirine û ragihandine, ku ewan çavdêran di proseyê d eroleke giring hebûn.