Di çarçoveya berdewam kirina kempîna propagendeyên hilbijartinên parlementoya Kurdistanê de, îro jî Sekreterê mekteb siyasiya PDKê Fazil Mîranî serdana devera Akrê kir û bi kadro û endam û alîgirên partiya demokrata Kurdistanê re civiya.

Di civîneke girseyî de Fazil Mîranî behsa rewşa niha ya Kurdistan, Îraq û deverê kir û guhertinên heyî yên li Rojhilata Navîn jî rave kir.

Nav hatî di berdewamiya civîna han de behsa amadekariyên heyî yên ji bo hilbijartinên Parlementoya Kurdistanê jî kir û bernameya partiya demokrata Kurdistanê ( lîsteya 110) ji beşdarwanan re şîrove kir û ragehand ku, armanca PDKê baştir kirina jiyana welatiyan û xizmet kirina xelk û pêşde birina Kurdistanê ye.

Mîranî di dawiya axaftinên xwe de daxwaz ji beşdarwanan jî kir daku, piştgîriya lîsteya 110 û berbijarên PDKê bikin.