Duh 27/8/2013`an, danê paş nîvro li gundê Sefa yê Çilaxa di navbera hêzên Yekîneyên Parastina Gel YPG û komên çekdar de şer derket û heya serê sibeha îro dom kir û di encamê de tangek hate desteserkirin û gelek kuştî û birîndar hene.

Li gor nûçeyeke ajansa Hawarnewsê belav kiriye ku, duh di demjimêr 15.30’an de li gundê Sefa yê Çilaxa komên çekdar ên Dewleta Êraq û Şam/ Cephet El Nusra êrîşî bendên kontrolê yên (YPG) kirin. Li ser vê yekê pevçûnên dijwar derketin.

Hate ragihandin ku komên çekdar li gundên Girhok, Yusufiyê û Girê Fatê jî bi çekên giran û tangan êrîşî pêkanîne û xwestine pêş bikevin, lê rastî bersivdayîna tund a hêzên YPG'ê hatin. Di pevçûnan de gelek kuştî û birîndarên êrîşkaran çêbûne, her wiha di pevçûnan de tangek hate desteserkirin, yek hate derbkirin û 2 wesayîtên doçka jî hatin rûxandin.

Li Serêkaniyê jî komên Dewleta Îslamî ya Êraq û Şam û Cephet El-Nusra bi şev di demjimêrên 21.00'an de, ji Til Xelef hewl dan ku ber bi Serêkaniyê ve pêş bikevin û êrîş pêk anîn. Li ser vê yekê hêzên YPG'ê bersiv da û pevçûn derketin.

Jêder: ANHA