Piştî belav bûna hin nûçe û agehiyan ên derbarê kuştin û ser jêkirina welatiyên Kurd yên li Rojawayê Kurdistanê ji aliyê taqim û tîmên terorîstî yên ser bi Elqaîde û dewleta îslamiya Îraqê ve, Serokê Kurdistanê birêz Mesûd Barzanî bi armanca derxistina rastiyan nameyek pêşkêşî komîteya amadekar ya kongreya netewî a Kurdistanê kiriye daku, komîteyek pêk bîne û ji bo lêkolîn kirinê bişîne Rojawayê Kurdistanê.

Ev tekesta nameya Serok Barzaniye;

Bo komîteya amadekar ya kongreya netewiya Kurd

Silavekî gerim

Ev çend roje ku, hinek ji mîdya û kanalên curbicur yên ragehandinê hijmarek nûçe belva kirine ku, qaşo terorîstên ser bi Elqaîde û dewleta îslamiya Îraqê li Rojawayê Kurdistanê de fermanek li dijî Kurd e ragehandine û dest bi kuştin û ser jê kirina jin û zarokên Kurd û welatiyên medenî li Rojawayê Kurdistanê de kirine.

Bo eşkere kirin û derxistina rastiya wan kiryaran daxwaz ji we dikim daku, komîteyeke taybetî were damezrandin û bi armanca lêkolîn kirin li ser wan nûçe û zaniyariyan serdana Rojawayê Kurdistanê bike, eger rast be terorîst êrîşa Kurdan bikin û serê zarok û jinên Kurd jê bikin vê demê hikûmeta Kurdistanê amadeye bi tevahiya hêza xwe ve parastina gelê Kurd li Rojawayê Kurdistanê de bike.

Serokê Kurdistanê

Mesûd Barzanî