Di daxuyaniyeke teybetî de ji malpera fermî ya partiya demokrata Kurdistanê re Peyvdarê PDKê Cefer Emînkî gotinên hevserokê KCKê Cemîl Bayik di derbarê helwesta PDKê a li hember Rojawayê Kurdistanê de red kir.

Emînkî eşkere kiriye ku, ev tohmetên ku, ji aliyê birêz Cemîl Bayik ve li dijî partiya me hatine belavkirin dûrin ji rastî û ti bingeh û esaseke wan tuneye û bi ti awayî xizmeta bizav û doza Kurd li Rojawayê Kurdistanê de nakin.

Dibûya Cemîl Bayik di şûna tohmetên bi vê rengî de hewl dabaya daku, di navbera part û aliyên siyasî yên Kurdî ên li Rojawayê Kurdistanê de yekdengî û yekrêzî çê kiriba.

Cefer Emînkî ev yek jî eşkere kiriye ku, di demek da ku, Cemîl Bayik tohmetên bi vê rengî dixe ser PDKê, PDK û Serokatiya PDKê bi her awayî hewl dane hevkariya Kurdên Rojawayê bikin û yekîtiya navbera wan bihêz bike.