Hêzên rejîma Sûriyê gundên derdora bajarê Efrînê topbaran dike. Balkêş e ku ev topbaran di dema êrîşên komên çekdar de pêk tê û wekî “piştgiriya komên çekdar” hate nirxandin.

Berdevkê çapemeniya Yekîneyên Parastina Gel (YPG) Rêdûr Xelîl ji ajansa ANHA’yê re ragihandiye ku, hêzên Rêjîma Sûriyê ji balfirgeha Minix û herêmên Nubil û Zehra gundê Qîvarê, Ihrizê û Keferşîlê topbaran dike. Xelîl da zanîn topbaran ji duh êvarê de destpê kiriye û hîn didome.

Xelîl bal kişand ku êrîşên rêjîma Baas di dema ku çekdarên El-Nuser êrîşî Rojavayê Kurdistanê dikin de pêk hatine û ev yek jî piştgiriya rejîmê ya ji bo komên Dewleta Îsalmî ya Êraq û Şamê/Cebhet El-Nusera nîşan dide.

ANHA