Di dirêjîya kar û çalakîyên nûneratîya herêma Kuridstanê ya li Ewropa de, şandeke evê nûneratîyê duh roja sêşembîyê beşdarî li merasima roja niştîmanîya Merakêş (Moroko) kir.


Nûnerê hikûmeta herêma Kurdistanê li Yekîtîya Ewropa Dilawer Ajgeyî bi hevrêtîya şandeke evê nûneratîyê, beşdarî di merasima roja niştîmanîya Şahnişînîya Merakêş kir ku bi cejna şahnişîn dihê naskirin.


Şanda herêma Kurdistanê ji alîyê Semîr Edhar balyozê Merakêş li Beljîkê û berpirsên wezareta derveya Merakêşê û stafa balyozxaneya ewî welatî ve bi germî hate pêşwazîkirin.


Di dîdarekê de li gel balyozê Merakêşê, Dilawer Ajgeyî pîrozbayîya gel û hikûmeta herêma Kurdistanê gihande balyozê Merakêş û supasîya wî kir bo vexwandina herêma Kurdistanê bo roja niştîmanîya Merakêşê, paşê her du alîyan basa peywendîyên du qolîyên navbera merakêş û herêma Kurdistanê û hemahengîya nevbera nûneratîya her du welatan li Brukselê kirin.

Di merasimê de şanda herêma Kurdistanê dîtin bi çendîn balyoz û dîplomatkarên welatan re kir û di guftûgoyan de bi awayeke giştî rewşa herêma Kurdistanê û peywendîyên herêma Kurdistanê bi welatên din re mijarên serekî bûn.